Kurs i bonde 2024
Instruktør: Stian Roland og Tone Voldhaug
Foto: Anders Lilleboe
Bonde er ein gamal, men artig dans som kan minne noko om springar, men i staden for å springe i tredelt takt, går ein i todelt tak. Omlag som ein roleg halling der ein dansar to og to saman (bunde - bonde). Kursa i springar og bonde får også ei økt med teori om bygdedansane i Valdres med Stian Roland. Her får du påfyll av både teori og praksis!
Stian Roland og Tone Voldhaug er to av dei fremste dansarane i Valdres. Dei har vunne Landskappleiken i både valdresspringar og bonde, og dei har halde eit utal kurs rundt om i landet. Båe står sterkt i valdrestradisjonen og har lært av og dansa med eldre utøvarar i miljøet.
Velkomen på kurs!
Fakta:
- Onsdag 10. juli klokka 15.30–17.30
- Torsdag 11. juli klokka 14.00–18.00
- Fredag 12. juli klokka 10.00–12.00
- Pris: 1100 kr – som inkluderer kaffi, servering (torsdag), konsertar onsdag, torsdag og fredag
Waiver
Kjøpte billettar blir ikkje refunderte. Sjå elles vilkår for kjøpte billettar på www.hilme.no. På fleire av arrangementa er det fotograf til stades. Bilete frå arrangementa blir brukt til promotering av festivalen.